COSTRUZIUNS A CIADËNA

blockhausbau

Na ciasa fata cun taies, por n „bëgnester massif“.

Ara se trata de n sistem da costruí vedl, mo che vëgn dötaurela dër aprijé, por süa particolarité y deache döt pó gní fat dër avisa dilan al’evoluziun dla tecnica. Al é n sistem che vá bun da fá sö ciases da d’abité, ciases por les vacanzes, üties da munt, saunes y baraches da mëte t’urt.

Da fá na ciasa cun taies mëton man te bosch, olach’al vëgn naota chirí fora y taié i lëgns che vá bun. Les taies vëgn spo scorzades cun na idro aposta, por ne roviné nia le lëgn sotite.
Tratan ch’al vëgn fat sö la ciasa, vëgn vigni taia taiada pro por ch’ara vais adöm avisa cun chëra dessot. Chësc vëgn fat cun deplü massaries coche la siëia a motor, le scarpel y cun n stromënt de prezijiun a chël ch’an ti dij „log scriber“.

Por evité ch’al pois a val’ manira trá ite le frëit y garantí na buna isolaziun dal vënt, vëgnel metü ite lana de biscia y stricores de guarniziun tles sfësses danter na taia y l’atra.

Döt chësc vëgn fat dër avisa y a man, ciaran da mantigní la forma che les taies á.